ابن مدير الشركه

عبد العزيز
اربع ساعات عشان تيجي لابوك
يوسف
يادوب صحيت وفطرت وجيت
عبد العزيز
زمان لو باكل وابويا قال ياواد اسيب اللي في ايدي واجري عليه
يوسف
يووه خير جايبني هنا ليه
عبد العزيز
عشان ترتب وقتك ياباشا ومن بكرة هتيجي تستلم الشغل هنا
يوسف
اعمل ايه اشتغل مالك ياحج في ايه
عبد العزيز
اللي زيك بيشتغل وفاتح بيت مش نقضيها سرمحة وسهر
يوسف
اه وهاعمل ايه هنا
عبد العزيز بيه
هرتبلك شغل تبدا فيه من بكرة
يوسف
وان رفض
عبد العزيز
مش هتمسك مليم مني او من امك انت فاهمني
يوسف
هو دا ټهديد
عبد العزيز
اعتبره زي ما انت عايز المهم عندي تكون في الشركة الساعة 8الصبح والا هتشوف وش تاني انت اللي هتورث كل لازم تعرف اد ايه انا تعبت عشان اوصل للكرسي دا والمكان دا ولازم تعرف تحافظ عليه
يوسف
ماشي هاشوف
عبد العزيز بيه
لو بكرة الساعة 8ماكنتش هنا في الشركة ما اشوفش وشك في البيت ولا اي مكان
وحبيبة كانت واقفة مع ابوها قدام الشركة
الاسطي منصور
عايزة فلوس تاني
حبيبة
لا يابابا ربنا يخليك لينا يارب وميحرمنيش منك ابدا انا دلوقتي هاروح اجيب الملزمة وبعدين يدوب اروح اجهز مع ماما الفطار
ونزل يوسف شاف حبيبة واقفة مع ابوها
جميلة جدا ومحجبة ولابسة فستان لونه بني يجنن عليها وراح عندهم وقال
يوسف
ازيك ياعم منصور
الاسطي منصور
اهلا ازيك يا يوسف بيه
يوسف وبيبص علي حبيبة نظرات تخوف
مين دي بتشتغل هنا في الشركة
الاسطي منصور
لا خالص دي بنتي حبيبة
يوسف
ايه دا انت معاك بنات كبيرة كدا
الاسطي منصور
دي اخر سنه جامعة السنه دي
حبيبة
بعد اذنك يابابا عشان الحق اخلص المشوار ده
الاسطي منصور
طيب طريق السلامة وانا هارن عليكي كل شوية
يوسف
طيب كلم عبد العزيز بيه عايزك وانا هاروح.
وخرج جري ورا حبيبة زي الديب اللي بيحري ورا فريسته
يوسف
حبيبية حبيبة استني
حبيبة
نعم عايز حاجة
يوسف
ايه مالك هوصلك للمكان اللي انتي عاوزة
حبيبة
لا معلهش انا عارفة طريقي لوحدي
يوسف
لا هاوصلك ونتكلم شوية في الطريق
حبيبة
اسفة ماينفعش اركب مع حد ما عرفوش
يوسف
ازاي ماتعرفينش دا عم منصور مربيني علي ايديه يعني ما ينفعش اسيبك تروحي لوحدك
حبيبة
لو سمحت ابعد عن طريقي انا كدا هتاخر
وسابته لوحده واقف ولا همها اي حاجة وركبت تاكسي ومشيت
يوسف قال لنفسه
ايه البنت الجامدة دي وكمان ايه نوع جديد مش زي اللي اعرفهم
ودي حاجه حلوه لسة ماتدقت زيها بس هتروحي مني فين بالذوق بالعافية هاخد اللي انا عاوزة
وعالفطار في بيت منصور
حبيبة
يالا يا بابا الفطار جاهز
الاسطي منصور
انا جاي اهو
ام حبيبة
تعال يا منصور بنتك جهزت معايا الاكل كله ودوق وقول رايك
الاسطي منصور
زي العسل دا من ايد اغلي الناس مراتي وبنتي
ام حبيبة
عملت ايه في موضوع سعيد ابن الاستاذ زكريا
حبيبة
خلينا نفطر بنفس الاول
الاسطي منصور
قابلته وقولتله من ما تخلصي الامتحانات ونشوف النتيجة نبقي نتكلم
حبيبة
ما رفضش ليه عالطول
الاسطي منصور
بصراحة الواد ده هيطلع من عيني وبعدين الواد شاريكي وشكله معجب خلي الدنيا ماشية ويا عالم.
وفي فيلا عبد العزيز كان بيغطر مع مراته جيهان هانم وابنه يوسف