صاحبتي الغـ,,ـداره

إسراء
لا الموضوع مش مستاهل لدكتور قولتلك هنزل الصيدلية اشوف في ايه وبعدين من أمتي
جنيه القلب اللي فيكي دي
دلال
مش حنيه يا حبيبتي اصل انا عرفاكي اكيد
هتقولي لابوكي أن بسبب الاكل اللي بتكلي
من ايدي
اسراء
ريحي نفسك يا مرات ابويا انا ولا بقول ولا بعيد
بعد اذنك انا نازلهة
ونزلت إسراء وعدت على مها صاحبتها اللي
بتشتغل في الكوافير واللي عارفة حكايتها مع وليد
إسراء
الحقيني بامها انا مش عارفه اعمل ايه ووليد مش راضي يجي يتقدم ليا ومرات ابويا بدأت تشك فيا اعمل ايه
مها
بقولك ايه يا اسراء هو انتي هتفضلي كل ساعة والتانية تنطيلي هنا مينفعش كده ده محل اكل عيش ياحبيبتي
إسراء
يعني ايه يامها يعنى مش هتساعديني وتكلمي الزفت اللي اسمه وليد ده انه يجي البيت عندنا هو مش انتي اللي معرفاني بيه وانتي اللي قولت لي انه عايز يتجوزني
مها
قولتلك انه عايز يتجوز مش قولتلك تسلميه نفسك بقولك ايه انتي مش تغلطي الغلطة وتيجي تتمسحي فيا ويلا بقا امشي دلوقتي انا ورايا شغل
إسراء
ابـ,,ـوس ايدك يامها ابـ,,ـوس كلميه دلوقتي وخليه يشوفلي حل وحيات امك
مها
خلاص يابت صعبتي عليا استني كده لما ارنيلك عليه اشوف المنيل على عينه ده ياختشي قطيعة الرجاله واللي بيجي منهم
واتصلت مها بوليد وقالتله
هو انت مش عايز تعقل يا وليد وتيجى تصلح غلطتك مع البت الغلبانة دي
وليد
بقولك ايه يا مها اطلعي من دماغي انا مش ناقصك على المسا وبعدين ماهي اللي جاتلي برجليها هو انا كنت ضړبتها على ايديها
مها
ماهي جاتلك برجليها بعد ماعشمتها بالجواز ياخويا ولا انت نسيت اسمع ياوليد انت لازم تصلح غلطتك مع البت ياما هي هتروح تقول لابوك كل حاجة اهي عندي اهيه وبتقول انها عايزة تروح لعم جمال بس انا اللي حوشتها
وليد
لااا ابويا ايه ياختي انتي وهي انا مش عايز استعباط اوعي ابويا يعرف حاجة يابت
مها
خلاص يبقا تيجي وتصلح اللي انت عملته معاها ياما هيبقا مفيش قدامها غير ابوك قولت ايه بقا
وليد سكت شويه
طيب اقفلي دلوقتي وانا هبقا اكلمها البت واشوف حل معاها
وقفلت مها وقالت لها
خلاص ياستي قالي انه هيتصرف ويجي لكم البيت بس لما يخلص شوية حاجات كده بيعملها
إسراء
طيب مخلتنيش اكلمة ليه يامها عشان اعرف هيعمل ايه وهيجي لابويا امتى
مها
بقولك ايه يا اسراء انا عملت اللي عليا وكلمته زي مانتي طلبتي مني والباقي ده بتاعك انتي ويلا بقا ياحبيبتي امشي دلوقتي خليني ادخل اكمل شغلي بدل ماترفد
وعندي في بيتنا كنت قاعده في اوضتي لقيت امي بتقولي
الام
ماتجيبي فلوس يا حبيبه عايزة اكل لاخواتك والفلوس اللي معايا خلصت
حبيبه
هو انا مش لسه مدياكي الاسبوعيه بتاعتي اول امبارح ياما اجبلك منين بس تاني ولسه الاسبوع ده مش خلص
الام
اعمل ايه بس يابنتي مصاريف اخواتك كتير ياحبيبه ومحدش بيجيب فلوس غيرك اروح اشحت يعنى يابنتي ولا اعمل ايه وبعدين ماكان وليد بيجيب لنا كل حاجة وانتي اللي منعتي الرزق ده
حبيبه
لا ياما الرزق ده بتاع ربنا هو اللي بيرزق مش وليد هو اللي بيرزق
الام
يابنتي ونعم بالله انا عارفه طبعا بس الواد كان شاريكي وكان هيعيشك في العز انتي واخواتك
حبيبه
لا ياما الله الغني مش عايزين منه حاجة خودي ياما الفلوس اللي معايا كلها اهيه وياريت بقا متجبيش سيرة الزفت

ده تاني
وتاني يوم راحت حبيبه المصنع وشافت إسراء تعبانة وبترجع في الحمام
حبيبه
انتي شكلك تعبانة اوي كده ليه ماتاخدي اذن وتروحي يا اسراء بدل ما الاستاذ هشام يخصملك نص اليوم لانه بيسال عليكي وبيقول انك اتاخرتي في الحمام
إسراء
انا خلصت اهو وطالعه من الحمام وبعدين خليكي في حالك ملكيش دعوة بيا خالص انتي سامعة
حبيبه
هو يعنى الحق عليا اني عايزة اساعدك انا بس شايفاكي تعبانة بقالك فترة فقولت…….
إسراء
قولتلك خليكي في حالك واوعي بقا من وشي خليني اعدي
وطلعت إسراء وهشام شافها وقالها
هشام
جرا ايه يا اسراء هو انتي كل شوية تسيبي شغلك وتقولي رايحة الحمام وتتاخري انتي بقالك كام يوم بتعملي كده ماهو يابنت الناس الشغل ده مينفعنيش لو تعبانة اتفضلي ارجعي البيت ولما تبقى كويسه تبقى ترجعي الشغل
إسراء
معلش يا استاذ هشام اصل انا تعبانة وعندي شوية برد فخلاص والله اخر مره اسيب المكنة وانزل الحمام
هشام
التعبان يروح البيت يا اسراء انما يجي يعطلي شغلي مش هينفع كده
إسراء
اصل مش هينفع اقعد في البيت يا استاذ حضرتك عارف الظروف على العموم انا هشتغل اهو والله
وفضلت تشتغل وهي تعبانة واخر اليوم بعد الشغل إسراء اتصلت بوليد وقالتله
انت مجتش ليه يا وليد
وليد
ماجتش فين يابت
إسراء
تقابل ابويا هي مش مها كلمتك وقالتلك انك لو ماجتش تقابل ابويا انا هاروح لعم جمال واقوله كل حاجة
وليد قال لنفسه ااخ دنا نسيتك خالص الله يحرقك وبعدين قالها
اااه صحيح ياحبيبتي ده فعلا كنت جاي بس حصلت عندي ظروف كده وهي اللي اخرتني عندك
إسراء
امممم طيب والظروف دي هنخلص امتى انا مبقتش قادرة استني اكتر من كده انا مرات ابويا بدأت تشك فيا يا وليد ارجوك اتصرف بسرعه
وليد
ااه حاضر حاضر ياحبيبتي انا جاي بس نتقابل الأول وعايز اطلب منك طلب كده ولو نفذتيه هاجي اتقدم لأبوكي واللي جابوكي كمان
إسراء
طلب ايه ده ياوليد اللي انت عايزة مني
وليد